27 қаңтар күні мектебімізде 9-11 сынып оқушылардың қатысуымен Ілияс Есенберлиннің туғанына 110 жыл толуына орай «Аты әлемге мәшһүр жазушы Ілияс Есенберлин» атты әдеби танымдық кеш өтті.
Мақсаты: әдебиеттің дамуына өлшеусіз үлес қосқан Ілияс Есенберлиннің шығармаларын насихаттау, оқырмандарды әдебиет пен тарихқа қызықтыру, жас ұрпақты ұлттық құндылықтарға тәрбиелеу, жастарға рухани азық беру.
Шарада мұғалім қазақты төл тарихымен қауыштырған қаламгердің өмірі мен шығармашылығы туралы кітаптармен таныстырды. Жазушы қазақтың алғашқы ханынан бастап, соңғы ханына дейінгі тарихты қағаз бетіне түсірген. Ілияс Есенберлин мұрасы - қазақ әдебиеті мен тарихы үшін алтыннан қымбат қазына. Жазушының қаламынан шыққан шоқтығы биік «Көшпенділер» мен «Алтын Орда» тарихи трилогиялары оқырманға етене таныс. Сонымен қатар «Қауіпті өткел», «Ғашықтар» романдарын да оқырмандарға оқуға ұсынды.